ഒരു ജന്തുശാസ്ത്ര വിദ്യാര്ഥിയുടെ ആത്മഗതം
ഇതു സുവോളജി ലാബ്
ഫോര്മാല്ഡിഹൈഡിന്റെ രൂക്ഷ ഗന്ധം
ചത്തു ചീഞ്ഞതിന്റെ നാറ്റം
കത്രികയുടെ രുധിര താളം
നിരന്നു നില്ക്കുന്ന ഭാവിഡോക്ടര്മാര്ക്കിയില്
കുരിശിലേറ്റപ്പെട്ട തവള
പാവങ്ങള് ദര്ദുരത്തിന് ആറാം ക്രേനിയല് നെര്വ് തിരയുന്നു
അങ്ങനെയൊന്നുണ്ടോ ആവോ ആര്ക്കറിയാം
ആണിയില് തറഞ്ഞു മലര്ന്നു കിടപ്പൂ തവള
നിറവയറിലൂടൊരു കത്രികച്ചലനം
പിന്നെ കൊടില് കൊണ്ടൊരു വലി
കത്തിവച്ചു വരഞ്ഞതു കൃത്യം നെഞ്ചകത്തൂടെ
അവിടെ ജീവന്റെ അവസാന താളം
ഇനിയും നിലക്കാത്ത ഹൃദയം
അവിടെ തുടിക്കുകയാവുമോ
പഴയ പുഞ്ചപ്പാടം, മഴവെള്ളപ്പാച്ചില്, കര്ക്കിടകരാവ്
അതോ,
ജാംബവാന് കാലത്തെ സിലബസില് കുരുങ്ങി
കത്രികയെടുക്കാന് വിധിക്കപ്പെട്ട
പാവം ജന്തുശാസ്ത്ര വിദ്യാര്ഥിക്കു വേണ്ടി
പ്രാര്ഥിക്കയാവുമോ
Subscribe to:
Posts (Atom)