ഉപയോക്താക്കള്‍ക്കു കൂടുതല്‍ സ്വകാര്യത നല്‍കുന്ന പ്രൈവസി മോഡുമായി മൈക്രോസോഫ്‌റ്റിന്റെ പുതിയ ഇന്റര്‍നെറ്റ്‌ എക്‌സ്‌പ്ലോറര്‍ വരുന്നു.
വെബില്‍ എവിടെ പരതുന്നു, എന്തു ചെയ്യുന്നു എന്നതിനെക്കുറിച്ചുള്ള വിവരങ്ങള്‍ റെക്കോഡ്‌ ചെയ്യുന്നത്‌ ഒരു ബട്ടന്‍ ക്ലിക്കിലൂടെ നിയന്ത്രിക്കാവുന്നതാണ്‌ എക്‌സ്‌പ്ലോററിന്റെ പുതിയ പതിപ്പായ ഐ.ഇ8. ബ്രൗസര്‍ ലോഗ്‌ ചെയ്യുന്ന വിവരങ്ങള്‍ മായ്‌ച്ചുകളയുക, ഏതൊക്കെ സൈറ്റ്‌ സന്ദര്‍ശിച്ചുവെന്നത്‌ റെക്കോഡ്‌ ചെയ്യുന്ന ഫീച്ചര്‍ ഓഫ്‌ ചെയ്യുക, അല്ലെങ്കില്‍ നിങ്ങള്‍ സന്ദര്‍ശിക്കുന്ന സൈറ്റ്‌ എന്തൊക്കെ വിവരങ്ങളാണു കംപ്യൂട്ടറില്‍ ലോഗ്‌ ചെയ്യുന്നത്‌ എന്ന വിവരം നിങ്ങളെ അറിയിക്കുക എന്നിവയാണു പ്രൈവസി മോഡിന്റെ പ്രത്യേകതകള്‍. നിലവിലുള്ള ബ്രൗസറുകളില്‍ ഹിസ്‌റ്ററി ക്ലിയര്‍ ചെയ്യാനുള്ള വഴിയുണ്ടെങ്കിലും അത്‌ ഓരോ ഉപയോഗത്തിന്‌ ശേഷവും ചെയ്യണമെന്ന പരിമിതിയുണ്ട്‌.
നിങ്ങളുടെ കംപ്യൂട്ടര്‍ ഉപയോഗിക്കുന്ന മറ്റുള്ളവര്‍ അറിയരുത്‌ എന്നാഗ്രഹിക്കുന്ന വല്ലതും ഇന്റര്‍നെറ്റില്‍ ചെയ്യാന്‍ ഉദ്ദേശിക്കുന്നുണ്ടെങ്കില്‍ പ്രൈവസി മോഡ്‌ ഉപയോഗിക്കാവുന്നതാണ്‌. ഇപ്പോള്‍ പരിശോധനാ പതിപ്പ്‌ (ട്രയല്‍ വേര്‍ഷന്‍) പുറത്തിറക്കിയിട്ടുള്ള ഇന്റര്‍നെറ്റ്‌ എക്‌സ്‌പ്ലോറര്‍ 8 ഈ വര്‍ഷം അവസാനം റിലീസ്‌ ചെയ്യും.
Saturday, August 23, 2008
Subscribe to:
Post Comments (Atom)
help me.
ReplyDelete